Masallıda şəhid ailələri ilə görüş keçirilib. Bu haqda bu gün, 13 iyul tarixində Cenublu.az xəbər verir.
Tədbir Dini Qurumlarla İş üzrə Dövlət Komitəsi (DQİDK) tabeliyində Mənəvi Dəyərlərin Təbliği Fondunun maliyyə dəstəyi və Boradigah qəsəbəsi “Həzrəti Əli” məscidi dini icmasının təşkilatçılığı ilə baş tutub. Görüş Heydər Əliyev mərkəzində təşkil olunub. Burada Masallı Rayon İcra Hakimiyyətinin başçısı Şahin Məmmədov, millət vəkilləri Məşhur Məmmədov və Anar İsgəndərov, DQİDK-nın Masallı bölgəsi üzrə şöbəsinin əməkdaşları, şəhid ailələrinin üzvləri və ictimaiyyət nümayəndələri iştirak ediblər.
İcra başçısı qonaqları bayram münasibətilə təbrik edib. Tədbirdə Millət vəkilləri Məşhur Məmmədov və Anar İsgəndərov, Qafqaz Müsəlmanları İdarəsinin Masallı rayonu üzrə qazısı Rəşid Talıbov və natiqlərin çıxışları baş tutub.
Görüş zamanı şəhid ailələrinin üzvlərinə alış-veriş kartları və Masallı şəhidlərinin fotosu əks olunmuş təqvim hədiyyə olunub.
