Masallıda “Mədəniyyət kəndlərdə” mədəniyyət-yaradıcılıq layihəsinin növbəti tədbiri Şərəfə kəndində baş tutub. Bu haqda məlumatı Cenublu.az bu gün, 16 iyul tarixində Masallı Regional Mədəniyyət İdarəsinə istinadən verir.
Tədbirdə kəndin tarixi barədə danışılıb. Daha sonra Mədəniyyət Mərkəzinin incəsənət ustalarının ifasında konsert proqramı baş tutub. “Halay” və “Həcər” Folklor Kollektivlərinin çıxışları gecəyə xüsusi rəng qatıb. Həmçinin tədbirdə məktəblilər və məktəbəqədər təhsil müəssisələrinin balaca fidanları tərəfindən rəqslər ifa edilib, vətənpərvərlik mövzusunda şeirlər səsləndirilib, yeniyetmə idmançılar isə nümunəvi idman nömrələri göstəriblər.
Yekunda tədbirlərdə aktiv iştirak edən mədəniyyət işçiləri və məktəblilərə Masallı Regional Mədəniyyət İdarəsinin “Təşəkkürnamə”ləri təqdim edilib, həmçinin xatirə şəkilləri çəkilib.
