İcra başçısı Araz Əhmədov növbəti səyyar görüş-qəbulunu təşkil edib. Bu haqda bu gün, 12 aprel tarixində Cenublu.az Masallı RİH-yə istinadən xəbər verir.
Görüş Şərəfə kənd sakinləri ilə keçirilib. Belə ki, Masallı Rayon İcra Hakimiyyətinin başçısı Araz Əhmədov qəbula gələnləri salamlayıb və səyyar görüş-qəbulunu açıq elan edib. Sonra rayon rəhbəri qəbula gələn vətəndaşları narahat edən məsələlərlə bağlı müraciətlərini dinləyib, qəbulda qaldırılan məsələlərdən bir neçəsi dərhal yerində həll olunub, digər məsələlər barəsində müraciət edən vətəndaşlara qanunamüvafiq izahat verilib. Vətəndaşların müraciətinə həssaslıqla yanaşaraq qaldırılan məsələlərin həlli istiqamətində müvafiq qurumlara tapşırıqlar verilib.
Masallı Rayon İcra Hakimiyyətinin başçısı Araz Əhmədov səyyar-görüş qəbulunu yekunlaşdıraraq rayonda vətəndaş müraciətlərinin daim diqqətdə saxlanıldığını bildirib.
