Gənclərin İnkişafı və Karyera Mərkəzinin Masallı nümayəndəliyinin təşkilatçılığı ilə gənclər üçün maraqlı tədbir təşkil olunub. Bu haqda bu gün, 16 iyul tarixində Cenublu.az Masallı RİH-yə istinadən xəbər verir.
Təlimdə təlimçi-fasilitator Kənan Əhmədbəyli 16-18 yaşlı gənclər üçün “Komandanın formalaşması”, “Mənim arzu təyyarəm”, “Sənin haqqında düşüncəm”, “Müharibəni sülhə çevir”, “Mənim gələcəyim öz əllərimdədir” kimi mövzulardan danışıb.
İştirakçılar üçün daha maraqlı olan praktiki hissədə onların çəkdikləri rəsmlərlə cəmiyyətimizdəki problemlərə yanaşmaları sərgilənib, üzərində arzuların yazıldığı kağızdan düzəldilən təyyarələr simvolik olaraq gələcəyə yola salınıb.
Sonda gənclər komandalara bölünərək müxtəlif mövzularda təqdimatlar ediblər.
