Gənclər Evi sosial xidmət müəssisəsinin kollektivi Il Qarabağ müharibəsi qazisi İbişov Cahid Elçin oğlunun evində olublar. Bu haqda bu gün, 13 aprel tarixində Cenublu.az Masallı Gənclər Evinə istinadən xəbər verir.
Ziyarət zamanı qəhrəmanımızın keçdiyi şərəfli döyüş yolundan söhbət açılıb, qayğıları dinlənilib. Qəhrəmanımız müharibədə qələbə qazanmağın sevincini və döyüş xatirələrini bölüşüb.
İbişov Cahid Elçin oğlu 10 may 1996-cı il tarixində Masallının Qədirli kəndində anadan olub, 2002-2013-cü illərdə təhsil alıb, 2014-2016-ci illərdə çağırışçı kimi hərbi xidmətə yollanıb. Həqiqi hərbi xidmətini Azərbaycan Silahlı Qüvvələrinin “N” saylı hərbi hissəsində davam etdirib. Qəhrəmanımız Qubadlı rayonunun azadlığı uğrunda gedən döyüşdə yaralanıb, 2-ci qrup əlildir.
Azərbaycan Respublikasının Prezidenti İlham Əliyevin Sərəncamına əsasən, İbişov Cahid Elçin oğlu “Qubadlının azad olunmasına görə”, “Cəbrayılın azad olunmasına görə”, “Vətən müharibəsi iştirakçısı” və “Cəsur döyüşçü” medalları ilə təltif olunub.
