Masallı Heydər Əliyev Mərkəzində "2022-ci il Şuşa ilidir!" mövzusunda dəyirmi masa təşkil olunub. Bu haqda məlumat bu gün, 28 yanvar tarixində Masallı Regional Mədəniyyət İdarəsinin rəsmi Facebook səhifəsində paylaşılıb.
2022-ci ilin "Şuşa ili" elan edilməsi ilə əlaqədar keçirilən tədbirdə mərkəzin əməkdaşları ilə yanaşı, Masallı Dövlət Regional Kollecinin müəllim və tələbələri də iştirak ediblər. Tədbirin əvvəlində şəhidlərin xatirəsi bir dəqiqəlik sükutla yad edilib.
Daha sonra Heydər Əliyev Mərkəzinin direktoru Dilbər İbayeva "Şuşa ili" ilə bağlı keçiriləcək tədbir, sərgi və müsabiqələrdən məlumatlar verib. Tədbirdə iştirak edən kollecin əməkdaşları mötəbər "Şuşa ili" ilə bağlı qala-şəhərimizin tarixi, təbiəti, abidələri və görkəmli şəxsiyyətləri barədə söz açıblar.
Sonda qonaqlar Aqşin Quliyevin hazırladığı “2022-ci il Şuşa ilidir!” mövzusunda videoçarxı izləyiblər.
