Masallı rayonu Ərkivan qəsəbəsində Vətən müharibəsi şəhidi Sənan Seyfullayevin xatirəsi əbədiləşdirilib. Bu haqda məlumatı Masallı rayon İcra Hakimiyyəti verib.
Belə ki, şəhidimizin ildönümü ilə əlaqədar, böyüyüb başa çatdığı Ərkivan qəsəbəsinin girişində onun şərəfinə bulaq inşa edilib.
Açılış mərasimində rayon İcra Hakimiyyətinin başçısı Şahin Məmmədov və aparatı, Milli Məclisin deputatları Məşhur Məmmədov və Anar İsgəndərov, YAP Masallı Rayon Təşkilatının nümayəndələri, hüquq-mühafizə orqanlarının rəhbərləri, şəhid ailələri, qazilər, ictimaiyyət nümayəndələri və qəsəbə sakinləri iştirak ediblər.
Qeyd edək ki, Cenublu.az şəhidimizin ildönümü ilə bağlı paylaşım etmişdir.
