Masallı rayonunda "Vətən müharibəsi" zamanı şəhadətə ucalmış igidimizin doğum günü münasibəti ilə yad edilib. Bu haqda məlumat bu gün, 2 yanvar tarixində Masallı Rayon İcra Hakiiyyətinin rəsmi Facebook səhifəsində paylaşılıb.
2022-ci ilin ilk günündə şəhid Rafail Hüseynovun xatirəsi anılıb. Anım mərasimində Masallı Rayon İcra Hakimiyyətinin başçısı Şahin Məmmədov və birinci müavini Məmmədhüseyn Hüseynov, Yeni Azərbaycan Partiyası Masallı Rayon Təşkilatı sədrinin səlahiyyətlərini icra edən Seyfəddin Əliyev Rafail Hüseynovun doğum günündə evində olub, xatirəsini anıblar.
Prezident İlham Əliyevin sərəncamlarına əsasən Masallı Rayon İcra Hakimiyyətinin başçısı Şahin Məmmədov Rafail Hüseynovun valideynlərinə 3-cü dərəcəli «Rəşadət» ordeni təqdim edib.
Rafail Hüseynov 8 noyabr tarixində Şuşa şəhəri istiqamətində gedən döyüşlər zamanı şəhadətə ucalıb. O, ölümündən sonra "Vətən uğrunda", "Xocavəndin azad olunmasına görə" və "Şuşanın azad olunmasına görə" medalları ilə təltif olunub.
[caption id="attachment_8417" align="alignnone" width="300"]
Masallı Rayon İcra Hakimiyyəti rəsmi Facebook səhifəsi[/caption]
