Masallı Regional Mədəniyyət İdarəsində 2022-ci ildə qarşıda duran vəzifələrə həsr olunmuş onlayn tədbir keçirilib. Bu haqda məlumatı bu gün, 28 yanvar tarixində Azertac verir.
İdarənin tabeliyində olan mədəni-maarif müəssisələrinin rəhbərlərinin iştirak etdiyi tədbirdə müxtəlif fəaliyyət istiqamətləri üzrə bir sıra vacib məqamlara toxunulub, mövcud problemlər müzakirə edilib.
İclasda "Şuşa İli" çərçivəsində baş tutacaq mədəniyyət tədbirləri, ustad dərsləri, kitab fondlarının zənginləşdirilməsi, muzeylərə yeni arxiv sənədlərinin və materialların cəlb olunması və digər məsələlərlə bağlı təkliflər səsləndirilib.
