Masallı rayonunun Ərəb kəndində şəhidimiz Masim Qurbanovun adına bulaq tikilib. Bu haqda məlumatı Masallı rayon İcra Hakimiyyətinin rəsmi Facebook səhifəsi verib.
Abidə-bulaq kompleksində həmçinin Birinci Qarabağ və Vətən müharibələrində şəhidlik zirvəsinə ucalan, Ərəb kəndindən olan qəhrəman oğulların xatirə lövhələri yerləşdirilib.
Açılış mərasimində Masallı Rayon İcra Hakimiyyətinin başçısı Şahin Məmmədov və aparatı, YAP Masallı Rayon Təşkilatının nümayəndələri, hüquq-mühafizə orqanlarının rəhbərləri, şəhid ailələri, qazilər, hərbçilər, kəndin ziyalıları iştirak ediblər.
Qeyd edək ki, 10 yanvar Masim Qurbanovun ildönümü haqda Cenublu.az xəbər vermişdir.
