"Masallı Gənclər Evi" sosial xidmət müəssisəsinin kollektivi Vətən müharibəsi iştirakçısı, veteran Əfqan Əbil oğlu Əliyevin ailəsini ziyarət edib. Bu haqda məlumatı müəssisənin rəsmi Facebook səhifəsi verib.
Ziyarət zamanı Əfqanın keçdiyi şərəfli döyüş yolundan söhbət açılıb, qayğıları dinlənilib. Qəhrəmanımız müharibədə qələbə qazanmağının sevincini, döyüş xatirələrini bölüşüb. O, Vətən müharibəsi başlandığı gündən etibarən şəxsi heyət arasında qələbəyə inamın yüksək olduğunu bildirib.
Qeyd edək ki, Əfqan Əliyev 8 mart 1995-ci ildə Masallıda anadan olub. 2013-ci ilin sentyabr ayında hərbi xidmətə yollanıb. 2015-ci ilin Aprel ayında ordu sıralarından tərxis olunub.
Vətən müharibəsi zamanı Füzuli, Xocavənd və Laçın rayonlarının azadlığı uğrunda gedən döyüşlərdə iştirak edib.
