"Gələcək gənclərindir" layihəsi çərçivəsində gənclər Heydər Əliyev Mərkəzini ziyarət ediblər. Bu haqda məlumat bu gün, 27 yanvar tarixində Masallı Rayon Gənclər və İdman İdarəsi rəsmi Facebook səhifəsində paylaşılıb.
Ekskursiya Masallı rayon Gənclər və İdman İdarəsinin , "Gənclər evi" sosial xidmət müəssisəsinin və Təhsil şöbəsinin birgə təşkilatçılığı ilə həyata keçirilib. Daha öncə bir qrup gənclər Heydər Əliyevin abidəsini ziyarət edərək, abidə önünə gül dəstələri qoyublar.
Tədbir zamanı gənclər Heydər Əliyevin həyat və fəaliyyətinin bütün dövrlərini əks etdirən eksponat, fotostend, kitablarla tanış olublar. Yeni nəslin milli-mənəvi dəyərlər və ənənələrə bağlı ruhda böyüməsi məqsədi daşıyan ekskursiyada Ulu Öndərin zəngin irsi haqqında gənclərə ətraflı məlumat verilib.
