Ölkəyə qaçaqmalçılıq yolu ilə gətirilmiş külli miqdarda güclü təsiredici narkotik vasitə və psixotrop maddələr polis əməkdaşları tərəfindən aşkar edilərək dövriyyədən çıxarılıb.
DİN-in Mətbuat Xidmətinin Lənkəran regional qrupundan Cenublu.az -a verilən məlumata görə, Lerik Rayon Polis Şöbəsinin əməkdaşları çətin dağlıq ərazidə keçirdikləri əməliyyat zamanı əvvəllər məhkum olunmuş 40 yaşlı Elmir Daşdəmirov, 58 yaşlı Cavanşir Əkbərov və 68 yaşlı Məhərrəm Rəhimovu saxlayıblar. Onlardan xaricdə yaşayan narkotacirdən əldə etdikləri 12 kiloqram narkotik vasitə və psixotrop maddə - 7 kiloqram heroin, 5 kiloqram metamfetamin və əlavə olaraq marixuana götürülüb.
Araşdırmalar nəticəsində müəyyən edilib ki, saxlanılan şəxslər narkotikləri daşıdıqları vaxt ifşa olunmamaq üçün özlərini guya sitrus meyvələri satan kimi göstərməyə çalışıblar.
Faktla bağlı cinayət işi başlanılıb və hər üç şəxs barəsində həbs qətimkan tədbiri seçilib. Araşdırmalar davam etdirilir.
