"Bir bambuk ağacının yetişdirilməsinə 48-50 gün vaxt sərf olunur".
Bunu Lənkəran rayonunun Talışlı kənd sakini, fərdi sahibkar Eynulla Calalov deyib.
Sahibkar 32 sot həyətyanı sahədə mindən çox bambuk yetişdirdiyini bildirib. Onun sözlərinə görə, cənub bölgəsinin iqlimi bambukun yetişdirilməsi üçün əlverişlidir. Eynulla Calalov illər əvvəl bu sahə ilə məşğul olmağa başlayıb və ölkədə bambuk yetişdirən ilk şəxslərdən biri olduğunu qeyd edib. O, yetişdirdiyi bambukdan müxtəlif əşyalar, mebel və aksesuarlar hazırlayaraq bunu ailə təsərrüfatına çevirib.
Qeyd edək ki, bambukdan hazırladığı məhsullar dəfələrlə rayonda keçirilən sənətkarlıq sərgilərində nümayiş etdirilib, sahibkar bu fəaliyyətinə görə fəxri fərman və diplomlarla təltif olunub.
Mənbə: bizim media
