Lənkəranda ölümlə nəticələnən yol-nəqliyyat hadisəsi baş verib.
Cenublu.az xəbər verir ki, hadisə gecə saat 03:00 radələrində Lənkəran-Boradigah-Masallı magistral yolunun Lənkəran rayonunun Girdəni kəndi ərazisindən keçən hissəsində qeydə alınıb.
Belə ki, 22 yaşlı Elsevər Məhərrəmovun idarə etdiyi "Mercedes" markalı avtomobil yolu keçmək istəyən 51 yaşlı Əliyar Qulamovu vurub. Müxtəlif dərəcəli bədən xəsarətləri alan Ə.Qulamov hadisə yerində həyatını itirib.
Meyit daxili və xarici müayinədən keçirilməsi üçün Məhkəmə-Tibbi Ekspertiza və Patoloji Anatomiya Birliyinin Lənkəran rayonlararası zona mərkəzinə təhvil verilib.
