Lənkəranda Məhəmməd Füzulinin 530-cu ildönümünə həsr edilmiş tədbir keçirilib. Bu haqda məlumatı Cenublu.az bu gün, 21 may tarixində verir.
Lənkəran Dövlət Universitetində təşkil olunan ədəbi-bədii gecədə Lənkəran-Astara Regional Mədəniyyət İdarəsinin rəisi Bəxtiyar Qılıncov, Lənkəran Dövlət Universitetinin rektoru professor Natiq İbrahimov, universitetin müəllim və tələbə heyəti, bölgənin incəsənət ustaları iştirak ediblər.
Tədbir şəhidlərin xatirəsinin 1 dəqiqəlik sükutla yad edilməsi ilə başlanıb, daha sonra Dövlət Himni səsləndirilib.
Burada Məhəmməd Füzulinin əsərlərinə bəstələnmiş musiqi nömrələri, şairin yaradıcılığından seçmə poetik nümunələr LDU-nun tələbələri və bölgənin tanınmış musiqiçiləri tərəfindən ifa edilib.
Daha sonra tələbələrin dahi söz ustadının yaradıcılığını əks etdirən əl işlərindən ibarət rəsm sərgisinə baxış keçirilib.
