Bakının Sabunçu rayonunun Zabrat qəsəbəsində Nəzirxan Ağaxanovu oğurlayaraq ona qarşı nalayiq hərəkətlər edən dəstənin üzvlərindən biri – Kamran Rzayev barəsində məhkəmə prosesi başa çatıb.
Məlumatına görə, Nəzirxan Ağaxanov “TikTok” hesabında kriminal aləmdə “Rövşən Lənkəranski” kimi tanınan mərhum Rövşən Caniyev barədə xoşagəlməz ifadələrin yer aldığı video paylaşıb. Bundan sonra bir qrup şəxs onu “cəzalandırmaq” qərarına gəlib. Zərərçəkən Zabrat ərazisində “Qazel” markalı avtomobilə mindirilərək əlləri və gözləri bağlanıb, daha sonra toyuq hinində saxlanılıb.
Bakı Ağır Cinayətlər Məhkəməsinin hökmü ilə K.Rzayev 10 il müddətinə azadlıqdan məhrum edilib.
Hadisə ilə bağlı dəstənin digər üzvləri barəsində cinayət işi ayrıca icraata verilib. Təqsirləndirilən şəxslərdən bəziləri 2007 və 2008-ci il təvəllüdlüdür. Polisin keçirdiyi əməliyyatlar nəticəsində bütün şübhəlilər saxlanılıb.
