Bu gün Lənkərandan olan şəhidlərimiz Eşqin Cəfərzadə və Murad Abbasovun doğum günüdür.
Vətən müharibəsi şəhidi Eşqin Cəfərzadə 1997-ci ildə Darquba kəndində dünyaya gəlib.
O, 2020-ci il sentyabrın 28-də hərbi komissarlığın çağırışı ilə cəbhəyə yollanıb. Hadrutda, Suqovuşanda, Cəbrayılda, Zəngilanda, Füzuli və Qubadlıda döyüşlərdə atıcı kimi iştirak edib. Oktyabrın 21-də Qubadlıda şəhid olub, noyabrın 5-də Şiləvar kənd qəbiristanlığında dəfn olunub.
Ölümündən sonra“Vətən uğrunda”, “Cəbrayılın azad olunmasına görə” və “Qubadlının azad olunmasına görə” medalları ilə təltif olunub.
Vətən müharibəsi şəhidi Murad Abbasov 1998-ci ildə Şıxakəran kəndində anadan olub. Vətən müharibəsində Cəbrayılın və Qubadlının azadlığı uğrunda gedən döyüşlərdə vuruşub.
M.Abbasov 23 oktyabr 2020-ci ildə Qubadlı rayonu istiqamətində döyüş tapşırığının yerinə yetirilməsi zamanı həlak olub. 24 oktyabr 2020-ci ildə Lənkəran rayonunda dəfn edilib.
Ölümündən sonra “Vətən uğrunda”, “Cəbrayılın azad olunmasına görə”, “Qubadlının azad olunmasına görə” və “Cəsur döyüşçü” medalları ilə təltif olunub.
