Lənkəran şagirdləri imtahanlarda 100-dən aşağı bal toplayan rayonların arasındadırlar. Bu haqda məlumatı Cenublu.az bu gün, 3 iyul tarixində verir.
Dövlət İmtahan Mərkəzinin “Abituriyent” jurnalının 12-ci nömrəsində qəbul və buraxılış imtahanlarında şagirdləri zəif nəticə göstərmiş rayonların adları açıqlanıb.
"Təəssüflə qeyd etmək lazımdır ki, ötən il Siyəzən, Şabran, Ağsu, Xocalı, Beyləqan, Lənkəran, Xaçmaz, Sabirabad, Daşkəsən rayonlarının və Gəncə şəhərinin cari il məzunlarını təmsil edən abituriyentlərin 20%-dən çoxunun qəbul imtahanlarında topladığı bal 100-dən aşağı olmuşdur", - DİM-in hesabatında bildirilib.
