Birinci Qarabağ müharibəsində itkin düşmüş və 2024-cü ildə şəxsiyyəti müəyyən olunmuş 73 nəfər Azərbaycan vətəndaşına dair məlumatlar açıqlanıb. Bu haqda məlumatı Cenublu.az bu gün, 8 may tarixində verir.
Şəxsiyyətləri müəyyən olunanlar arasında Lənkərandan olan iki şəhidimiz də var. Onlar rayonun Şağlaser kəndindən olan şəhid İbad Musarza oğlu Musayev və Kərgəlan kəndindən olan Habil Oruc oğlu İsmayılovdur. Hər iki şəhidimizin nəşi Beyləqan rayonunun Şəfəq qəsəbəsində yerləşən “Peyğəmbər” məzarlığında aşkarlanıb.
Qeyd edək ki, Habil İsmayılov 26 may 1974-cü ildə Lənkəran rayonunun Kərgəlan kəndində anadan olub. O, 27 yanvar 1994-cü ildə Xocavənd rayonunun Şişqaya yüksəkliyi istiqamətində itkin düşüb.
İbad Musayev 8 mart 1974-cü ildə Lənkəran rayonunun Şağlaser kəndində
anadan olub. 26 yanvar 1994-cü ildə Füzuli rayonunun Əbdürrəhmanlı kəndi istiqamətində itkin düşüb.
Hər iki şəhidimiz bu gün, 8 may tarixində doğma kəndlərində torpağa tapşırılacaq.
