Lənkəranın “Torqovaya”sı adlanan ərazidə zibil qutularının az olması sakinləri narahat edir. Bununla bağlı onlar bu gün, 5 aprel tarixində Cenublu.az-a müraciət ediblər.
Belə ki, sakinlər bildirirlər ki, Qala Xiyabani küçəsindəki parkda cəmi 2 ədəd zibil qutusunun olması ərazinin zibillənməsinə gətirib çıxarır.
“Havalar istiləşdikcə bu parkda gəzənlər də çoxalır. Bir də görürsünüz ki, əlimizdə zibil xeyli yolu getməli oluruq ki, zibil qutusunu tapaq. Qutular bir neçə metrdən bir quraşdırılsa, nə biz çətinlik çəkərik, nə də ərazi digərləri tərəfindən zibillənər”, - deyə sakinlər bildiriblər.
