Lənkəranda 24 yaşlı gənc oğlan dənizdə boğulub. Bu haqda məlumatı Cenublu.az bu gün, 28 iyun tarixində Oxu.az-a istinadən verir.
Hadisə rayonun Sütəmurdov kəndi ərazisində, dəniz sahilində qeydə alınıb. Rayonun Cil kənd sakini, 24 yaşlı Fərid Qulam oğlu Yaqubzadə Cənub Regional Mərkəzinin Sularda Xilasetmə dəstəsinin və yerli sakinlərin iştirakı ilə huşsuz vəziyyətdə sudan çıxarılıb.
O, Təcili Tibbi Yardım briqadasına təhvil verilib. Lakin gəncin həyatını xilas etmək mümkün olmayıb.
Faktla bağlı araşdırma aparılır.
Fərid Yaqubzadə Vətən müharibəsi iştirakçısı olub. O. “Cəbrayılın azad olunmasına görə” və “Qubadlının azad olunmasına görə” medalları ilə təltif olunub.
Qeyd edək ki, Fərid Yaqubzadə yenicə ailə qurmuşdu.
