Lənkəranda stomatoloqu bıçaqlamaqda təqsirləndirilən Nihad Malıyev məhkəmə qarşısına çıxarılıb. Bu haqda məlumatı Cenublu.az bu gün, 13 iyun tarixində Qafqazinfo-ya istinadən verir.
Belə ki, Lənkəran Şəhər Məhkəməsi istintaq orqanının təqdimatını əsaslı hesab edib. Qərara əsasən, Nihad Malıyev barəsində 4 aylıq həbs qətimkan tədbiri seçilib.
Qeyd edək ki, hadisə 9 iyun tarixində qeydə alınıb. Nihat Malıyevin atası Cəlal Azadovun qardaşının çayxanasında xidmətçi işləyib, nöqsanlara görə işdən çıxarılıb. Mübahisə də bu məsələyə görə olub. Atasının işdən çıxarılmasına aydınlıq gətirmək üçün Nihad Malıyev çayxanaya gedib. Həmin vaxt çayxanada olan Cəlal Azadov Nihadı sakitləşdirməyə çalışıb və çayxanadan uzaqlaşdıraraq, öz maşını ilə evə aparmaq istəyib. Bu zaman Nihad Malızadə üzərində olan bıçaqla Cəlal Azadova 10-dan çox zərbə vurub.
Hadisə zamanı Cəlal Azadov idarəetməni itirərək qəza törədib.
O, ağır vəziyyətdə xəstəxanaya yerləşdirilib, əməliyyat olunub.
