Lənkəran Rayon Mərkəzi Xəstəxanasının nəzdində açılan Ürək-damar cərrahiyyəsi şöbəsi fəaliyyətə başladığı dövrdən bu günə qədər 1859 pasiyent müraciət edib. Bu haqda məlumatı Cenublu.az bu gün, 16 may tarixində Report.az-a istinadən verir.
Lənkərana ezam olunmuş xəstəxananın Ürək-damar mərkəzinin Baş həkimi Vüsal Dənziyev bildirib ki, ötən ilin fevral ayından bu günə qədər 118 açıq ürək əməliyyatı icra olunub: "Onlardan 13-ü klapan dəyişdirilməsi və təmiri, yerdə qalanı aorta koronar şuntlama əməliyyatı olub, 600 nəfərə stend qoyulub".
Baş həkim bildirib ki, İnvaziv kardiologiya şöbəsində ilk dəfə 3 pasiyentə ürəkdaxili cihaz implantasiyası, 2 pasiyentə ürək ritminin ablasiya ilə invaziv müalicəsi icra edilib.
V.Dənziyev əlavə edib ki, müraciət edən pasiyentlər, əsasən, 65 yaşdan yuxarı şəxslərdir.
Qeyd edək ki, Ürək-damar cərrahiyyəsi şöbəsi 2023-cü ilin fevral ayından açılıb.
