Lənkəran rayonunda fəaliyyət göstərən ümumtəhsil müəssisələrinin VIII-X sinifləri arasında yarış keçirilib. Bu haqda bu gün, 12 aprel tarixində Cenublu.az Lənkəran şəhər Gənclər və İdman İdarəsinə istinadən xəbər verir.
Şagirdlərin vətənpərvərlik, milli qürur və milli ləyaqət ruhunda tərbiyə edilməsi, onların mənəvi-psixoloji və hərbi-fiziki hazırlığının təmin olunması məqsədilə Lənkəran Olimpiya İdman Kompleksində “Şahin” hərbi-idman oyununun Lənkəran rayon birinciliyi təşkil olunub. Öncə Vətən müharibəsində şəhid olanların xatirəsi bir dəqiqəlik sükutla yad edilib.
Lənkəran Şəhər Gənclər və İdman İdarəsinin təsis etdiyi hakimlər heyətinin idarə etdiyi tədbirdə 25 komandanın tərkibində 400 nəfər iştirak edib. Keçirilmiş mərhələlərdə toplanmış balların ümumi nəticələrinə əsasən, I yeri Viravul kənd 2 nömrəli tam orta məktəbin komandası, II yeri Lənkəran şəhər 2 nömrəli tam orta məktəbin komandası, III yeri Lənkəran şəhər 5 nömrəli tam orta məktəbin komandası əldə edib.
Qeyd etmək lazımdır ki, I yeri tutan komanda Abşeron rayonunda keçiriləcək zona birinciliyində rayonumuzu təmsil edəcək.
