Lənkəranda iki nəfərin xəsarət alması ilə nəticələnən yol-nəqliyyat hadisəsi baş verib. Bu haqda məlumatı Cenublu.az bu gün, 5 iyun tarixində Apa.az-a istinadən verir.
Hadisə köhnə Ələt-Astara magistralında, Lənkəran rayonunun Göyşaban kəndi ərazisində qeydə alınıb. Lənkəran rayonunun Sütəmurdov kənd sakini, 64 yaşlı Mirqiyas Talışxanovun idarə etdiyi "VAZ-2104" markalı minik maşını Lənkəran şəhər sakini, 78 yaşlı Tələt Rəhimovun idarə etdiyi "QAZ-24" markalı avtomobillə toqquşub.
Qəza nəticəsində "QAZ-24"-ün sürücüsü və "VAZ-2104" markalı maşında olan sərnişin, Lənkəran rayonunun Girdəni kənd sakini, 64 yaşlı Seyran Nəzərov xəsarət alıblar. Onlar Lənkəran rayon mərkəzi xəstəxanasına çatdırılıblar, vəziyyətləri orta ağır qiymətləndirilir.
Qəza zamanı hər iki minik maşını deformasiyaya uğrayıb.
Faktla bağlı araşdırma aparılır.
[caption id="attachment_40718" align="alignnone" width="336"]
Apa.az[/caption]
[caption id="attachment_40719" align="alignnone" width="336"]
Apa.az[/caption]
