Lənkəran Regional Mədəniyyət İdarəsinin təşəbbüsü ilə mədəniyyət mərkəzi və tabeliyində fəaliyyət göstərən bütün müəssisələr əhatə olunmaqla növbəti iməcilik təşkil olunub. Bu haqda bu gün, 1 aprel tarixində Cenublu.az Lənkəran Regional Mədəniyyət İdarəsinə istinadən xəbər verir.
İməcilik zamanı ərazidə mövcud olan çəmənlik və ağacların suvarılması, ağac və kollarda yaşıl budamanın aparılması, boyama-abadlıq işləri görülüb. Ərazilər ətraf mühit, insan sağlamlığı üçün zərərli olan müxtəlif məişət və polietilen tullantılarından təmizlənib.
Toplanan məişət tullantıları müvafiq nəqliyyat vasitələri ilə ərazilərdən daşınıb. Xüsusi ehtiyac olan yerlərə yeni ağac və gül kolları əkilib.
