Lənkəran şəhəri Heydər Əliyev mərkəzində ziyalı, pedaqoq, qabaqcıl maarif xadimi Heybət Murtuza oğlu Quliyevin 110 illik yubileyinə həsr olunmuş tədbir keçirilib. Bu haqda məlumatı Cenublu.az bu gün, 29 iyun tarixində ARB Cenub-a istinadən verir.
Tədbirdə mərhum ziyalının doğmaları və rayon ictimaiyyəti iştirak ediblər. Heybət Quliyevin zəngin həyat yolundan bəhs edən videoçarxın nümayışi ilə başlayan tədbirdə daha sonra yubilyarın nəvəsi - Əməkdar incəsənət xadimi, fəxri mədəniyyət işçisi Cəmil Quliyev çıxış edərək babası Heybət Quliyevin mənalı ömür yolu və əmək faəliyyətindən danışıb. Çıxışlarda bildirilib ki, Heybət Quliyev pedaqojı fəaliyyətini Cəlilabad rayonunda başlayıb. Əvvəl müəllim, sonra məktəb direktoru və rayonun xalq maarif şöbəsinin müdiri vəzifələrində çalışıb. Böyük Vətən maharibəsinin ilk günlərində cəbhədə olub. 1944-cü ildə yaralanaraq ordu sıralarından tərxis olunub. 2-ci Dünya müharibəsinin veteranı kimi 1953-cü ildən ömrünün sonunadək Lənkəran şəhər 4 saylı tam orta məktəbinin direktoru vəzifəsində işləyib.
Təhsil sahəsindəki xidmətlərinə görə 3 dəfə qabaqcıl maarif xadimi adına layiq görülüb.
