Lənkəranda “Qərbi Azərbaycan: Tarixin izi ilə” layihəsi çərçivəsində məlumatlandırıcı sessiya təşkil edilib. Bu haqda məlumatı Cenublu.az bu gün, 21 iyun tarixində Azertac-a istinadən verir.
Görüşdə layihənin məqsədi haqqında məlumat verilib, regionlarda gənclərlə davamlı olaraq keçirilən görüşlərin Qərbi Azərbaycan həqiqətlərinin daha geniş ictimaiyyətə çatdırılmasının əhəmiyyəti vurğulanıb. Həmçinin Qərbi Azərbaycandan kütləvi şəkildə deportasiya olunmuş şəxslərin sülh yolu ilə, təhlükəsiz şəkildə geri qayıtmaları məsələsinin beynəlxalq gündəliyə gətirilməsi və soydaşlarımızın hüquqlarının beynəlxalq müstəvidə bərpası üçün Qərbi Azərbaycan İcması tərəfindən sistemli iş aparıldığı diqqətə çatdırılıb.
Daha sonra Qayıdış konsepsiyasının müddəaları, Qərbi Azərbaycan İcmasının strukturu və fəaliyyət istiqamətləri, icma tərəfindən görülən işlər barədə danışılıb, Qərbi Azərbaycanın həqiqətlərini, tarix və mədəniyyətini özündə əks etdirən təqdimat nümayiş etdirilib.
Qeyd edək ki, tədbir Qərbi Azərbaycan İcması (QAİ) və “Regional İnkişaf” İctimai Birliyinin (RİİB) birgə təşkilatçılığı ilə baş tutub.
