Lənkəranda Çay festivalı keçiriləcək. Bu haqda məlumatı Cenublu.az bu gün, 29 may tarixində verir.
Festival Lənkəran şəhər Heydər Əliyev xatirə parkında açıq havada 3 gün - 4-6 iyun 2023-cü il tarixlərində davam edəcək.
Festivalda iştirakçılara müxtəlif animasiyalar, sürpriz hədiyyələr və məşhur müğənnilərlə əyləncə təqdim olunacaq. Sənan Şəfizadənin aparıcılığı ilə keçiriləcək tədbirə lənkəranlı "Nənələr qrupu", Jafarlinsky Band, Əməkdar artist Ədalət Şükürov və DJ Elax rəng qatacaqlar. Festivalda hədiyyələrlə dolu yarışmalar, milli adət-ənənələrimizə uyğun oyunlar keçiriləcək.
Festivala gələn hər kəs "Azerçay" çaylarını dada biləcək.
Qeyd edək ki, festival Lənkəran Şəhər İcra Hakimiyyətinin və "Azerçay"ın təşkilatçılığı ilə baş tutacaq.
