Lənkəran rayonunda zorlanma hadisəsi baş verib. Bu haqda məlumatı Cenublu.az bu gün, 26 aprel tarixində verir.
Hadisə rayonun Tütəpeştə kəndində baş verib. Lənkəran şəhər sakini, 44 yaşlı kişi 11 yaşlı qızın anasının Bakıda olmasından və evdə nənəsi ilə tək olmasından istifadə edərək ona qarşı seksual xarakterli zorakılıq hərəkətləri törədib. Daha sonra hadisə yerindən qaçan kişi polislər tərəfindən saxlanılıb.
Məsələ ilə bağlı Daxili İşlər Nazirliyinə sorğu ünvanladıq. DİN-in mətbuat xidmətinin Lənkəran regional qrupunun baş inspektoru, polis kapitanı Məhəmməd Rzayev sorğumuza cavab olaraq bildirib ki, həmin müraciət əsasında Lənkəran Şəhər Rayon Polis Şöbəsində Cinayət Məcəlləsinin 150.3.3-cü (Seksual xarakterli zorakılıq hərəkətləri; 14 yaşına çatmayan şəxs barəsində törədildikdə) maddəsi ilə cinayət işi başlanıb.
“Müvafiq ekspertizalar təyin edilib. 1 nəfər təqsirləndirilən şəxs qismində cəlb olunub. Həmin şəxs barəsində məhkəmənin qərarı ilə həbs qətimkan tədbiri seçilib. Araşdırma aparılır”, - açıqlamada deyilir.
