Lənkəranda ana doğuş zamanı vəfat edib.Bu haqda məlumatı Cenublu.az bu gün, 8 aprel tarixində Report.az-a istinadən verir.
Rayonun Ləj kənd sakini, 28 yaşlı Gülnar Xanhüseyn qızı Fərzəliyeva 7 aprel gecə saatlarında qanaxma ilə Lənkəran Perinatal Mərkəzə çatdırılıb və təcili əməliyyat olunub.
Keysəriyyə əməliyyatı zamanı 8 aylıq olan uşaq götürülüb. Lakin qadının həyatını xilas etmək mümkün olmayıb.
Qeyd edək ki, G.Fərzəliyeva Liman şəhərinə gəlin köçüb. Onun 9 yaşlı bir oğlu var və bu, ananın ikinci hamiləliyi olub.
Hazırda 8 aylıq körpə küməcdə saxlanılır.
