Lənkəran rayonunun Xarxatan kəndində yanğın qeydə alınıb. Bu haqda məlumatı Cenublu.az bu gün, 21 iyul tarixində Fövqəladə Hallar Nazirliyinə istinadən verir.
Hadisə 20 iyul saat 21:30 radələrində baş verib. Ümumi sahəsi 45 kv.m olan tövlənin dam örtüyü və damına yığılan 6 ton ot bağlamasının 3 tonu və yaxınlıqda yerləşən ümumi sahəsi 50 kv.m olan digər tövlənin dam örtüyü və damına yığılan 14 ton ot bağlamasının 6 tonu yanıb.
Ot bağlamalarının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
