Lənkəran şəhər Mədəniyyət Mərkəzinin Boladi kənd 2 saylı Diyarşünaslıq klubunda Xan qızı Natəvanın 190 illiyi münasibətilə "Natəvan-190" adlı ədəbi bədii gecə keçirilib. Bu haqda məlumatı Cenublu.az bu gün, 21 iyul tarixində verir.
Çıxışlar zamanı Xan qızının həyat və yaradıcılığından bəhs edilib. Daha sonra şairin poeziyasına gənclər tərəfindən göstərilən maraq vurğulanıb.
Tədbirdə Liman şəhər Folklor klubunun dərnək üzvləri Qasımlı Zəhra və Qasımlı Xədicə şeir söyləyib və rəqs ediblər.
Sonda klub fəalları şairin şeirlərindən və qəzəllərindən parçalar söyləyiblər.
