Lənkəran rayonunun Narbağı, Astara rayonunun Təngərüd və Maşxan kəndlərində təxliyə işləri həyata keçirilib. Bu haqda məlumatı Cenublu.az bu gün, 27 iyun tarixində Apa.az-a istinadən verir.
İntensiv yağan yağışlar nəticəsində adıçəkilən kəndlərdə bəzi fərdi yaşayış binaları və həyətyanı sahələr subasmaya məruz qalıb. Bu barədə FHN-nin “112” qaynar telefon xəttinə məlumatlar daxil olub.
Sözügedən ünvanlara Cənub Regional Mərkəzinin Xüsusi Xilasetmə Hissəsinin xilasedicilərinin 5 texnikası və 30 şəxsi heyəti cəlb edilib və müvafiq təhlükəsizlik tədbirləri görülüb. Qeyd olunan yaşayış məntəqələrindən 4-ü uşaq olmaqla ümumilikdə 11 nəfər təxliyə edilib.
Qeyd edək ki, güclü külək Lənkəran şəhərinin bir neçə istiqamətində ağacları və budaqları yola aşırıb.
