Lənkəran UGİM-in "Rəqs" dərnəyinin üzvü respublika səviyyəli “Yallı: güc, harmoniya və birlik simvolu” adlı məktəblilər üçün tədbirdə iştirak edib. Bu haqda məlumatı Cenublu.az bu gün, 15 may tarixində verir.
“Akvarium” formatında ictimai dinləmə və müzakirə tədbiri Respublika Uşaq-Gənclər İnkişaf Mərkəzinin təşəbbüsü, Məktəbəqədər və Ümumi Təhsil üzrə Dövlət Agentliyinin dəstəyi ilə həyata keçirilib.
Hibrid formatda təşkil olunmuş tədbirdə Lənkəran UGİM-in "Rəqs" dərnəyinin üzvü Nərgiz Səmədova sertifikatla mükafatlandırılıb.
Tədbirin keçirilməsində əsas məqsəd uşaq və gənclərdə Azərbaycanın ən qədim rəqs növlərindən olan yallıya, milli folklora maraq oyatmaq, onun tarixi və məzmunu barədə məlumatlandırmaqdır.
