Təhsil naziri Emin Əmrullayev Lənkəran, Astara, Lerik, Masallı, Cəlilabad və Yardımlı rayonlarında qeydiyyatda olan vətəndaşları, o cümlədən bu ərazilərdə müvəqqəti məskunlaşmış məcburi köçkünləri qəbul edəcək. Bu haqda məlumatı Cenublu.az bu gün, 14 iyul tarixində nazirin rəsmi Facebook səhifəsinə istinadən verir.
Qəbul 26 iyul Lənkəran şəhərində baş tutacaq. Qəbulda iştirak etmək istəyən qeyd olunan rayon (şəhər) sakinləri 18 iyul saat 18:00-dək Təhsil Nazirliyinin 146-6 nömrəli Çağrı Mərkəzinə, nazirliyin saytının əlaqə bölməsi vasitəsilə elektron qaydada (https://edu.gov.az/az/contact) və rəsmi "WhatsApp" xidmətinə (051 206 78 48) müraciət etməklə qeydiyyatdan keçə bilərlər.
