Lənkəran rayonu, Zövlə kəndi ərazisində Şəhər Yol Patrul Xidmətinin əməkdaşlarının yazdığı cərimə sürücünün narazılığına səbəb olub. Bu haqda məlumatı Cenublu.az bu gün, 19 iyul tarixində Xezerxeber.az-a istinadən verir.
Əslən Lənkərandan olan Rusiya vətəndaşı Əliabas Ağayev içkili olmadığı halda ona sərxoş olması ilə bağlı 400 manat məbləğində cərimə yazıldığını iddia edir.
Təhlükəsizlik kəmərindən istifadə etmədiyinə görə polis əməkdaşları tərəfindən saxlanılan sürücünün sərxoş olmasına dair şübhələr yarandığından, o, Lənkəran Rayonlararası Narkoloji Xəstəxanasına aparılıb. Həkim Əliabas Ağayevi yoxlayıb və onun içkili olduğunu təsdiq edib.
Əliabas Ağayev yalnız alkoqolsuz pivə içdiyi üçün bir daha Narkoloji Xəstəxanasına gəlib və bu dəfə də təkidlə yoxlanmasını istəyib.
Məsələ ilə bağlı Daxili İşlər Nazirliyinin mətbuat xidmətinin regional qrupunun baş inspektoru Məhəmməd Rzayev bildirib ki, sürücü birinci dəfə yoxlananda sərxoş olub.
İçki içmədiyini deyən sürücü əlində olan sənədlərlə birlikdə məhkəməyə müraciət edəcəyini bildirib.
[caption id="attachment_20089" align="alignnone" width="336"]
Xezer Xeber[/caption]
