Lənkəran sakini Bakıda oğurluq edib. Bu haqda məlumatı Cenublu.az bu gün, 10 iyun tarixində verir.
Belə ki, paytaxtın Nəsimi rayonu ərazisində “Mercedes” markalı avtomobilin qaçırılması barədə polisə məlumat daxil olub. Nəsimi RPİ 19-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Lənkəran rayon sakini, əvvəllər məhkum olunmuş Səid Fərəczadə həmin avtomobillə saxlanılıb.
Araşdırmalarla onun iyunun 1-nə keçən gecə rayon ərazisində yerləşən bir estetik mərkəzdən 6000 manat dəyərində qızıl üzük, mobil telefon, planşet, notbuk, saat, kamera, kosmetoloji cihaz və aparatlar oğurlamasına da əsaslı şübhələr müəyyən edilib.
