Lənkəranda iməcilik keçirilib. Bu haqda bu gün, 3 iyun tarixində Cenublu.az Lənkəran şəhər İcra Hakimiyyətinə istinadən xəbər verir.
İcra Hakimiyyətinin dəstəyi və 1 saylı Regional Ekologiya və Təbii Sərvətlər İdarəsinin təşkilatçılığı ilə Lənkəran çayının Velədi və Sütəmurdov kəndlərindən keçən sol sahilində 3500 kvadratmetr sahədə iməcilik keçirilib. Aksiya zamanı sözügedən ərazidən ümumi həcmi 12 kubmetr bərk məişət tullantıları, plastik qablar, polietilen torbalar, sel daşqını nəticəsində suyun gətirdiyi müxtəlf bərk tullantılar təmizlənərək aidiyyəti üzrə şəhər poliqonuna daşınıb.
Ümumilikdə 130 nəfərin iştirak etdiyi iməcilik zamanı iştirakçılar arasında bərk məişət tullantılarının düzgün idarə olunması sahəsində zəruri maarifləndirmə işləri də aparılıb.
