Lənkəran şəhər Heydər Əliyev Mərkəzində “Yaşıl dünya naminə həmrəylik ili” çərçivəsində “Gənc müəllimlərin yaşıl dünya konfransı: ətraf mühit naminə dayanıqlı inkişaf” adlı tədbir keçirilib. Bu haqda məlumatı Cenublu.az bu gün, 22 iyun tarixində verir.
250-yə yaxın müəllimin iştirakı ilə keçirilən konfrans öz işinə Azərbaycan Respublikası Dövlət Himninin səsləndirilməsi və şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Daha sonra tədbirin bədii hissəsinə start verilib. Beləki, LDU-nun nəzdində fəaliyyət göstərən Sosial və Aqrar-Texnoloji Kollecin müəllim və tələbə heyəti "Mənim Azərbaycanım" və “Xudayar təsnifi” ilə bədii hissəyə rəng qatıblar.
Tədbirin rəsmi hissəsindən sonra Elm və Təhsil Nazirliyi yanında İctimai Şuranın üzvü öz fikirlərini gənc müəllimlərlə bölüşərək, proses barədə onları məlumatlandırıb.
Daha sonra təlimlər sessiyasına start verilib. Spikerlər tərəfindən 4 müxtəlif otaqda aidiyyəti mövzu üzrə təlimlər keçirilib və bununla da konfrans işini yekunlaşdırıb.
