Lənkəran rayonunun Viyan kənd tibb məntəqəsinin binası yararsız vəziyyətdədir. Bu haqda məlumatı Cenublu.az bu gün, 27 iyun tarixində Baku TV-yə istinadən verir.
Sakinlər bildirirlər ki, tibb məntəqəsinin binası 1970-ci illərdə müvvəqəti qoyulub. Lakin buna baxmayaraq, tibb məntəqəsi üçün əsaslı təmirli bina tikilməyib.
“Binada ilan, tısbağa var. Övladlarımıza burada peyvənd vurmağa qorxuruq”, - deyə sakinlər söyləyiblər.
Məsələ ilə bağlı Lənkəran rayon Mərkəzi Xəstəxasının nümayəndəsi bildirib ki, sözügedən tibb məntəqəsi 1970-ci illərdə inşa olunan uyğunlaşdırılmış binada yerləşir:
“3 otaqdan ibarət olan tibb ocağı 3 min əhaliyə xidmət göstərir. Tibb məntəqəsinin hal-hazırkı vəziyyəti ilə bağlı aidiyyəti qurumlar məlumatlandırılıb, müvafiq baxışlar keçirilib, aktlar tərtib olunub. Tibb mənətəqəsinin yaxın zamanda əsaslı inşası nəzərdə tutulub”.
