Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən Lənkəran Rayon Mərkəzi Xəstəxanasının İnvaziv kardiologiya şöbəsində ilk dəfə olaraq aritmoloji prosedurlar həyata keçirilib. Bu haqda məlumatı Cenublu.az bu gün, 8 iyun tarixində verir.
Kardioloq, aritmoloq Ata Kırılmaz və kardioloq, aritmoloq Günay Rəhimova tərəfindən 3 pasiyentə ürəkdaxili cihaz implantasiyası, 2 pasiyentə isə ürək ritminin ablasiya metodu ilə invaziv müalicəsi icra edilib.
Əməliyyatlar uğurla nəticələnib və pasiyentlər bir gün sonra ambulator müalicə üçün evə buraxılıblar.
Qeyd edək ki, Lənkəran Rayon Mərkəzi Xəstəxanasının İnvaziv kardiologiya şöbəsi 3 fevral 2023-cü il tarixindən fəaliyyətə başlayıb. İndiyədək şöbədə 233 xəstəyə kardiocərrahi xidmət icra olunub.
