Lənkəranda “Startaplar və yeni biznesə başlamaq” mövzusunda təlim keçiriləcək. Bu haqda Cenublu.az bu gün, 23 iyun tarixində məlumat verir.
Seminar iyunun 30-da saat 15:00-da Lənkəran KOB İnkişaf Mərkəzində baş tutacaq.
Təlim zamanı KOBİM-in peşəkar təlimçi-eksperti Həsən Rəhimli aşağıdakı mövzulara toxunacaq:
- startap nədir;
- layihələrin müasir metodologiya əsasında formalaşdırılması;
- layihələrin idarə edilməsi;
- yerli və beynəlxalq bazarlarda yeni məhsul və xidmətin təqdim edilməsi;
- biznes ideyasının formalaşdırılması;
- biznes layihəsinə investisiyanın cəlb edilməsi;
- yeni biznes strukturunun qeydiyyatdan keçirilməsi.
İştirak etmək üçün (+99477) 332 57 76 nömrəsi ilə əlaqə saxlaya və ya
[email protected] elektron poçt ünvanına müraciət etmək mümkündür.
Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.
