Dövlət Sərhəd Xidmətinin (DSX) Sərhəd Qoşunlarının “Lənkəran” sərhəd dəstəsinin xidməti ərazisində İrandan narkotik vasitələrin keçirilməsinin qarşısı alınıb. Bu haqda məlumatı Cenublu.az bu gün, 22 iyun tarixində verir.
Hadisə iyunun 21-də saat 22:20-də baş verib. Sərhəd naryadının qanuni tələblərinə məhəl qoymayan sərhəd pozucularına qarşı xəbərdarlıq məqsədilə silahdan atəş açılıb. Sonuncular üzərlərindəki bağlamaları atıb, relyefin mürəkkəbliyindən istifadə edərək geriyə, İran ərazisinə qaçıblar.
Axtarış zamanı ərazidə 10 kq 705 qram marixuana və 2 kq 55 qram tiryək tapılıb. Fakt üzrə əməliyyat-istintaq tədbirləri davam etdirilir.
