Lənkəranda 10-16 yaş uşaq və yeniyetmələr üçün günərzi yay istirahət düşərgəsi təşkil olunacaq. Bu haqda məlumatı Cenublu.az bu gün, 23 iyul tarixində verir.
Düşərgə 26 iyul Azərbaycan Respublikasının Gənclər və İdman Nazirliyinin yaranması ildönümü münasibətilə Lənkəran Şəhər Gənclər və İdman İdarəsi tərəfindən keçirilir.
26-28 iyul tarixlərində saat 9:00-dan 15:00-dək "Palıdlı sahil" otelində keçiriləcək düşərgə zamanı əyləncəli oyunlar, müxtəlif yarışlar, təlimlər və ekskursiyalar baş tutacaq. Son müraciət tarixi 25 iyul saat 13:00-dəkdir.
Düşərgədə iştirak etmək istəyənlər Gənclər və İdman İdarəsinə müraciət edə bilərlər. WhatsApp nömrəsi: (051) 404-84-37.
