Lənkəran Dövlət Dram Teatrı Biləsuvar rayonunda qastrol səfərində olub. Bu haqda məlumatı Cenublu.az bu gün, 14 may tarixində verir.
Teatrın truppası Kamal Abdullanın "Casus" tamaşası ilə çıxış edib.
Tamaşanın quruluşçu rejissoru Anar Babalı, quruluşçu rəssamı Tərlan Sadıqov, bəstəkarı Azər Hacıəsgərli, rejissor assistenti Nuranə Nəcəfovadır. Rolları Xalq artisti Qabil Quliyev, Əməkdar artist Sucəddin Mirzəyev, artistlər: Miraslan Ağayev, Allahverən Babayev, Qızılgül Quliyeva, Əbülfəz Axundov, Aynur Əhmədova, Buludxan Buludov və Saleh Əzimzadə ifa ediblər.
Nümayişdə Biləsuvar Rayon İcra Hakimiyyətinin başçısı Faiq Qürbətov, rayonun digər vəzifəli şəxsləri və rayon ictimaiyyəti iştirak ediblər.
