Lənkərən şəhər M.Bağırov adına 1 nömrəli tam orta məktəbinin yeni binasının tikintisi davam edir. Bu haqda məlumatı Cenublu.az bu gün, 23 iyun tarixində Lənkəran-Astara Regional Təhsil İdarəsinə istinadən verir.
Təhsil İnstitutunun direktoru Rüfət Əzizov və Lənkəran-Astara Regional Təhsil İdarəsinin müdiri Elxan Nəcəfov tədris ocağının tikintisi ilə yaxından tanış olub.
Qeyd edək ki, yanvarın 19-da tikintisinə başlanılan yeni məktəb binası Heydər Əliyev fondunun dəstəyi ilə birtipli layihə əsasında 800 yerlik olmaqla inşa ediləcək. Məktəbin yeni binasının növbəti tədris ili üçün istifadəyə verilməsi nəzərdə tutulub.
