Lənkəranda bəzi küçələrin adlarını və qapıların ünvan nömrələrini göstərən lövhələrin olmaması sakinlər üçün çətinlik yaradır. Bu haqda məlumatı Cenublu.az bu gün, 20 iyul tarixində ARB Cenub-a istinadən verir.
Gələn qonağa ünvanlarını tapmaq üçün ev sahibləri əksər hallarda el arasında tanınan bir bina, obyekt, mağaza və yaxud yol ayrıcıları kimi yerləri nişan verirlər.
Sakinlərin sözlərinə görə, ən çox problem Böyükağa Mirsalayev, Hacı Zeynalabdin Tağıyev və Nizami küçələrində yaşanır. Müasir texnologiyalar və naviqasiya sistemi olsa da, bir çox yerlərdə onlardan da istifadə etmək olmur. Adsız ünvanlara təcili tibbi yardım və ya yanğınsöndürən maşınları çağıranda vaxtında çata bilmirlər.
Məsələ ilə bağlı Lənkəran şəhər İcra Hakimiyyətində sözügedən sahənin mütəxəssislərinə müraciət olunsa da, cavab verən olmayıb.
