Lənkəran şəhərində mərkəzi küçənin sakinləri məişət tullantılarının qoxusundan məhəllələrindən keçə bilmirlər. Bu haqda bu gün, 3 yanvar tarixində Cenublu.az xəbər verir.
Şəhərin Zərifə Əliyeva küçəsində yol kənarındakı boş ərazi zibillənir. Belə ki, yaxınlıqda Hənifə Abdullayev 2, 4, 4a, 6, 6a yaşayış binaları yerləşir. Həmçinin, ətrafda məişət tullantıları üçün qutuların olmaması müşahidə olunur.
“Çox adam deyir ki, camaat gərək zibili küçəyə qoymasın. Biz nə edək? Lənkəranda onsuz hamı bilir ki, tullantıları qoyuruq evimizin qabağına, sonra gəlib maşınla götürürlər. Onlar gələnə qədər külək və sahibsiz itlər zibili dağıdır. Şəhərdə qutular olsa belə problem yaranmaz”, - deyə sakinlərdən biri qeyd edib.
[URIS id=8454]
